Tuesday, March 3, 2009

பாசமலர் பாடல்கள்


மலர்ந்தும் மலராத பாதி மலர் போல
வளரும் விழிவண்ணமே - வந்து
விடிந்தும் விடியாத காலைப் பொழுதாக
விளைந்த கலையன்னமே
நதியில் விளையாடி கொடியில் தலைசீவி
நடந்த இளம் தென்றலே - வளர்
பொதிகை மலைதோன்றி மதுரை நகர் கண்டு
பொலிந்த தமிழ் மன்றமே (மலர்ந்தும்)

யானைப் படை கொண்டு சேனை பல வென்று
வாழப் பிறந்தாயடா புவியாளப் பிறந்தாயடா
அத்தை மகளை மணம் கொண்டு இளமை வழி கண்டு
வாழப் பிறந்தாயடா வாழப் பிறந்தாயடா
அத்தை மகளை மணம் கொண்டு இளமை வழி கண்டு
அத்தை மகளை மணம் கொண்டு இளமை வழி கண்டு
வாழப் பிறந்தாயடா

தங்கக் கடியாரம் வைர மணியாரம்
தந்து மணம் பேசுவார் பொருள் தந்து மணம் பேசுவார்
மாமன் தங்கை மகளான மங்கை உனக்காக
உலகை விலை பேசுவார் உலகை விலை பேசுவார்
மாமன் தங்கை மகளான மங்கை உனக்காக
மாமன் தங்கை மகளான மங்கை உனக்காக
உலகை விலை பேசுவார் (மலர்ந்தும்)

சிறகில் எனை மூடி அருமை மகள் போல
வளர்த்த கதை சொல்லவா
கனவில் நினையாத காலம் இடைவந்து
பிரித்த கதை சொல்லவா
பிரித்த கதை சொல்லவா

கண்ணில் மணி போல மணியில் நிழல் போல
கலந்து பிறந்தோமடா - இந்த
மண்ணும் கடல் வானும் மறைந்து முடிந்தாலும்
மறக்க முடியாதடா உறவைப் பிரிக்க முடியாதடா

ம்ம்ம்ம்ம்ம்ம் ம்ம்ம்ம்ம் ம்ம்ம்ம்ம்
அன்பே ஆரிராராரோ ஆரிராராரோ ஆரிராராரோ
அன்பே ஆரிராராரோ ஆரிராராரோ ஆரிராராரோ
--------------------------------------*--------------------------------------

எங்களுக்கும் காலம் வரும்
காலம் வந்தால் வாழ்வு வரும்
வாழ்வு வந்தால் அனைவரையும்
வாழ வைப்போமே - (எங்களுக்கும்)

வளரும் வளரும் என்றே காத்திருந்தோம்
மலரும் மலரும் என்றே பார்த்திருந்தோம்
மலர் முடிந்து பிஞ்சு வரும்
வளர்ந்தவுடன் காய்கிடைக்கும்
காய்களெல்லாம் கனிந்தவுடன்
பழம் பறிப்போமே - (எங்களுக்கும்)

உழவும் தொழிலும் இங்கே நாம் படைத்தோம்
உறவும் சுகமும் என்றும் நாம் வளர்த்தோம்
பணம் படைத்த மனிதரைப் போல்
பஞ்சு மெத்தை நாம் பெறுவோம்
மாடிமனை வீடு கட்டி வாழ்ந்திருப்போமே - (எங்களுக்கும்)

நெஞ்சில் ஒரு களங்கமில்லை
சொல்லில் ஒரு பொய்யுமில்லை
வஞ்சமில்லா வாழ்க்கையிலே தோல்வியுமில்லை
வஞ்சமில்லா வாழ்க்கையிலே தோல்வியுமில்லை
தோல்வியும் இல்லை ..... ஆஆஆஆஆஆஆ - (எங்களுக்கும்)

Monday, March 2, 2009

பாலும் பழமும் பாடல்கள்








என்னை யாரென்று எண்ணிஎண்ணி நீ பார்க்கிறாய்
இது யார் பாடும் பாடலென்று நீ கேட்கிறாய்
நான் அவள் பேரை தினம் பாடும் குயிலல்லவா
என் பாடல் அவள் தந்த மொழியல்லவா (என்னை)

என்றும் சிலையான உன் தெய்வம் பேசாதையா
சருகான மலர் மீண்டும் மலராதையா
கனவான கதை மீண்டும் தொடராதையா (2)
காற்றான அவள் வாழ்வு திரும்பாதையா (என்னை)

எந்தன் மனக்கோயில் சிலையாக வளர்ந்தாளம்மா
மலரோடு மலராக மலர்ந்தாளம்மா
கனவென்னும் தேரேறி பறந்தாளம்மா (2)
காற்றோடு காற்றாக கலந்தாளம்மா (என்னை)

இன்று உனக்காக உயிர் வாழும் துணையில்லையா - அவள்
ஒளிவீசும் எழில் கொண்ட சிலையில்லையா
அவள் வாழ்வு நீ தந்த வரமல்லவா
அன்போடு அவளோடு மகிழ்வாய் அய்யா (என்னை)
------------------------------------------*-------------------------------------------

நான் பேச நினைப்பதெல்லாம் நீ பேச வேண்டும்
நாளோடும் பொழுதோடும் உறவாட வேண்டும்
- உறவாட வேண்டும்
நான் காணும் உலகங்கள் நீ காண வேண்டும்
- நீ காண வேண்டும்
நீ காணும் பொருள் யாவும் நானாக வேண்டும்
- நானாக வேண்டும்

பாலோடு பழம் யாவும் உனக்காக வேண்டும்
- உனக்காக வேண்டும்
பாவை உன் முகம் பார்த்து பசியாற வேண்டும்
- பசியாற வேண்டும்
மனதாலும் நினைவாலும் தாயாக வேண்டும்
- நானாக வேண்டும்
மடிமீது விளையாடும் சேயாக வேண்டும்
- நீயாக வேண்டும் (நான் பேச)

சொல்லென்றும் மொழியென்றும் பொருளென்றும் இல்லை
- பொருளென்றும் இல்லை
சொல்லாத சொல்லுக்கு விலையேதும் இல்லை
- விலையேதும் இல்லை
ஒன்றோடு ஒன்றாக உயிர் சேர்ந்த பின்னே
- உயிர் சேர்ந்த பின்னே
உலகங்கள் நமையன்றி வேருதும் இல்லை
- வேறேதும் இல்லை (நான் பேச)
---------------------------------------*-----------------------------------------------

பாலும் பழமும் கைகளிலேந்தி
பவழ வாயில் புன்னகை சிந்தி
கோலமயில் போல் நீ வருவாயே
கொஞ்சும் கிளியே அமைதி கொள்வாயே

பிஞ்சு முகத்தின் ஒளியிழந்தாயே
பேசி பழகும் மொழி மறந்தாயே
அஞ்சி நடக்கும் நடை மெலிந்தாயே
அன்ன கொடியே அமைதி கொள்வாயே

உண்ணும் அழகைப் பார்த்திருப்பாயே
உறங்க வைத்தே விழித்திருப்பாயே
கண்ணை இமைபோல் காத்திருப்பாயே
காதற் கொடியே கண் மலர்வாயே

ஈன்ற தாயை நான் கண்டதில்லை
எனது தெய்வம் வேறெங்கும் இல்லை
உயிரைக் கொடுத்தும் உனைநான் காப்பேன்
உதய நிலவே கண் மலர்வாயே (பாலும்)

ஆலயமணி பாடல்கள்


சட்டி சுட்டதடா கை விட்டதடா
புத்தி கெட்டதடா நெஞ்சைத் தொட்டதடா (2)
நாலும் நடந்து முடிந்த பின்னால் நல்லது கெட்டது தெரிந்ததடா (சட்டி)

பாதி மனதில் தெய்வம் இருந்து பார்த்துக் கொண்டதடா
மீதி மனதில் மிருகம் இருந்து ஆட்டி வைத்ததடா - (பாதி)
ஆட்டிவைத்த மிருகம் இன்று அடங்கிவிட்டதடா (2)
அமைதி தெய்வம் முழு மனதில் கோயில் கொண்டதடா (சட்டி)

ஆரவாரப் பேய்களெல்லாம் ஓடிவிட்டதடா
ஆலயமணி ஓசை நெஞ்சில் கூடிவிட்டதடா
தர்மதேவன் கோயிலிலே ஒளிதுலங்குதடா (2) - மனம்
சாந்தி சாந்தி சாந்தி என்று ஓய்வு கொண்டதடா (சட்டி)

எறும்புத் தோலை உரித்துப் பார்க்க யானை வந்ததடா - நான்
இதயத்தோலை உரித்துப் பார்க்க ஞானம் வந்ததடா - (எறும்புத்)
பிறக்கும் முன்னே இருந்த உள்ளம் இன்று வந்ததடா (2)
இறந்த பின்னே வரும் அமைதி வந்துவிட்டதடா (சட்டி)
--------------------------------------*------------------------------------------


பொன்னை விரும்பும் பூமியிலே
என்னை விரும்பும் ஓருயிரே
புதையல் தேடி அலையும் உலகில்
இதயம் தேடும் என்னுயிரே (பொன்னை)

ஆயிரம் மலரில் ஒருமலர் நீயே
ஆலயமணியின் இன்னிசை நீயே (ஆயிரம்)
தாய்மை எனக்கே தந்தவள் நீயே
தங்க கோபுரம் போல வந்தாயே
புதிய உலகம் புதிய பாசம் புதிய தீபம் கொண்டு வந்தாயே (பொன்னை)

பறந்து செல்லும் பறவையைக் கேட்டேன்
பாடிச் செல்லும் காற்றையும் கேட்டேன் (பறந்து)
அலையும் நெஞ்சை அவரிடம் சொன்னேன்
அழைத்து வந்தார் என்னிடம் உன்னை
இந்த மனமும் இந்த உறவும் என்றும் வேண்டும் என்னுயிரே (பொன்னை)

ஆலமரத்தின் விழுதினைப்போலே
அனைத்து நீயும் உறவு தந்தாயே (ஆலமரத்தின்)
வாழைக்கன்று அன்னையின் நிழலில்
வாழ்வது போலே வாழவைத்தாயே
உருவம் இரண்டு உயிர்கள் இரண்டு உள்ளம் ஒன்றே என்னுயிரே - (பொன்னை)
------------------------------------*---------------------------------

கல்லெல்லாம் மாணிக்க கல்லாகுமா
களையெல்லாம் கண்கள் சொல்லும் கலையாகுமா (2)
சொல்லெல்லாம் தூய தமிழ் சொல்லாகுமா
சுவையெல்லாம் இதழ் சிந்தும் சுவையாகுமா (2) - (கல்லெல்லாம்)

கன்னித்தமிழ் தந்ததொரு திருவாசகம்
கல்லைக்கனியாக்குமுந்தன் ஒரு வாசகம் (2)
உண்டென்று சொல்வதுந்தன் கண்ணல்லவா -
வண்ணக் கண்ணல்லவா (2)
இல்லையென்று சொல்வதுந்தன் இடையல்லவா
மின்னல் இடையல்லவா - (கல்லெல்லாம்)

கம்பன் கண்ட சீதை உந்தன் தாயல்லவா
காளிதாசன் சகுந்தலை உன் சேயல்லவா (2)
அம்பிகாபதி அணைத்த அமராவதி மங்கை அமராவதி (2)
சென்ற பின்பு பாவலர்க்கு நீயே கதி என்றும் நீயே கதி
(கல்லெல்லாம்)

Sunday, March 1, 2009

எம் ஜி ஆர் பாடல்

கொடுத்ததெல்லாம் கொடுத்தான் - அவன்
யாருக்காக கொடுத்தான்
ஒருத்தருக்கா கொடுத்தான் - இல்லை
ஊருக்காக கொடுத்தான் - (கொடுத்ததெல்லாம்)

மண்குடிசை வாசலென்றால் தென்றல் வர வெறுத்திடுமா?
மாலை நிலா ஏழையென்றால் வெளிச்சம் தர மறுத்திடுமா?
உனக்காக ஒன்று எனக்காக ஒன்று ஒருபோதும்
தெய்வம் கொடுத்தில்லை- (கொடுத்ததெல்லாம்)

படைத்தவன் மேல் பழியும் இல்லை
பசித்தவன் மேல் பாவம் இல்லை
கிடைத்தவர்கள் பிரித்து கொண்டார்
உழைத்தவர்கள் தெருவில் நின்றார்
பலர் வாட வாட சிலர் வாழ வாழ ஒருபோதும்
தெய்வம் கொடுத்ததில்லை - (கொடுத்ததெல்லாம்)

இல்லையென்போர் இருக்கையிலே
இருப்பவர்கள் இல்லையென்பார்
மடிநிறைய பொருளிருக்கும்
மனம் நிறைய இருளிருக்கும்
எதுவந்த போதும் பொதுவென்று வைத்து
வாழ்கின்ற பேரை வாழ்த்திடுவோம் -(கொடுத்ததெல்லாம்)

உயிர் வலி


மறக்க முயற்சிக்கின்றேன்
முடியவில்லை
உயிர் வலிக்கின்றது
தாய்நாட்டை விட்டு வெளியேற்றப்படும்
அகதி போல......